Heroine  :  ‘డ్రాగన్’ సినిమా ద్వారా ఒక్కసారిగా ఫేమస్ అయిన కయాదు లోహర్ ప్రస్తుతం వివాదాల్లో చిక్కుకుంది. మోడల్‌గా కెరీర్ ప్రారంభించి, కన్నడ, మలయాళ, తెలుగు సినిమాల్లో అవకాశాలు పొందిన ఈ నటి ప్రస్తుతం సినీ పరిశ్రమలో హాట్ టాపిక్‌గా మారింది. ‘అల్లూరి’ సినిమాతో తెలుగులోనూ గుర్తింపు పొందిన కాయదు, ఇటీవల తమిళనాడులో వెలుగులోకి వచ్చిన TASMAC స్కామ్‌కు సంబంధించి సంచలన ఆరోపణల పాలైంది.

తాజా సమాచారం ప్రకారం.. TASMAC స్కామ్‌కు సంబంధించి ప్రధాన నిందితులు నిర్వహించిన నైట్ పార్టీల్లో కాయదు హాజరైందన్న ఆరోపణలు వినిపిస్తున్నాయి. ఇంతటితో ఆగకుండా, ఆ పార్టీలకు హాజరవడానికి ఆమె ఒక్క నైట్ కు రూ.35 లక్షల వరకు తీసుకుందన్న వాదనలు కోలీవుడ్‌లో దుమారం రేపుతున్నాయి. ఈ వ్యవహారం ప్రస్తుతం సోషల్ మీడియాలో పెద్ద చర్చకు దారితీసింది. దీనికి సంబంధించి ఎన్‌ఫోర్స్‌మెంట్ డైరెక్టరేట్ (ED) అధికారులు దర్యాప్తు కొనసాగిస్తుండగా, కాయదు పేరు కూడా ఆ విచారణలో బయటపడినట్లు సమాచారం.

ఇదిలా ఉంటే.. ఈ ఆరోపణలు అధికారికంగా రుజువైతే, కాయదు కెరీర్‌కు పెద్ద దెబ్బ తగలే అవకాశం ఉందని సినీ విశ్లేషకులు అభిప్రాయపడుతున్నారు. ‘డ్రాగన్’ హిట్ కావడంతో వరుస ఆఫర్లతో బిజీగా మారిన కాయదు, ఇప్పుడిలా వివాదాల్లో చిక్కుకోవడం ఆమెకు నష్టాన్ని కలిగించవచ్చు. అయితే కాయదు ఈ విషయంపై ఇంకా స్పందించకపోవడం, అలాగే అధికారులు కూడా క్లారిటీ ఇవ్వకపోవడంతో పరిశ్రమలో ఉత్కంఠ నెలకొంది.