Janaki Kalaganaledu 16 Nov Today Episode : జానకిని అడుగడుగునా పరీక్షిస్తున్న మైరావతి.. ఈసారి కఠిన పరీక్ష.. దీంట్లో జానకి పాస్ అవుతుందా? మైరావతి మనసు గెలుచుకుంటుందా?

Authored By Varun G | The Telugu News | Published on: November 16, 2021, 12:20 pm

Janaki Kalaganaledu 16 Nov Today Episode : జానకి కలగనలేదు సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 16 నవంబర్ 2021, మంగళవారం ఎపిసోడ్ 172 హైలైట్స్ ఏంటో ఇప్పుడు చూద్దాం. జానకి.. సుబ్బయ్య కూతురు సమస్యను పరిష్కరించి అందరి దృష్టిలో మంచిపేరే తెచ్చుకున్నా.. మైరావతికి ఈ విషయం తెలిస్తే ఏమౌతుందో అని జ్ఞానాంబ టెన్షన్ పడుతుంది. జానకి చేసిందాంట్లో తప్పేముంది.. జానకిని ఈ విషయంలో అమ్మ కూడా మెచ్చుకుంటుంది. నువ్వు ఇక దాని గురించి దిగులుపడకు అని జ్ఞానాంబకు ధైర్యం చెబుతాడు గోవిందరాజు.

కట్ చేస్తే తెల్లారుతుంది. ఊళ్లోని వాళ్లందరికీ చీరలు పంచుతుంది మైరావతి. జ్ఞానాంబ ఫ్యామిలీకి కూడా అందరూ నమస్కారం పెడతారు. రామయ్య.. మీ మొగుడు పెళ్లాలు మన ఊళ్లో వాళ్లకు బట్టలు పెట్టండి అంటుంది మైరావతి. దీంతో అదేంటి అమ్మమ్మ గారు పెద్దవాళ్లు మీ చేతుల మీదుగా ఇస్తే బాగుంటుంది కదా అంటుంది. దీంతో ఇదిగో పిల్లా.. నా మనవడి పెళ్లి అయ్యాక మొదటిసారి మీరు ఇక్కడికి వచ్చారు కాబట్టి.. ఊళ్లో వాళ్ల ఆశీర్వాదం ఉంటుందని పెట్టమన్నాను అంతే.. వెళ్లి కానీవ్వండి అంటుంది మైరావతి.

దీంతో రామా, జానకి.. ఇద్దరూ అందరికీ బట్టలు పెడుతుంటారు. అయితే.. మైరావతి.. ఏదో ప్లాన్ వేస్తుంది. ఊళ్లో వాళ్లలో ఓ మహిళకు ఏదో ప్లాన్ చెబుతుంది. జానకిని టెస్ట్ చేయమని చెబుతుంది. ఆమె చీర తీసుకున్నాక… లక్షణంగా ఉన్నావమ్మా.. మీరు బాగా చదువుకున్నారట కదా. మామూలుగా చదువుకున్న అమ్మాయి తన కంటే ఎక్కువ చదువుకున్న అబ్బాయిని.. మంచి ఉద్యోగం చేస్తున్న అబ్బాయిని చేసుకోవాలనుకుంటారు.. అంటుంది.

మరి మీరు అని అనబోతుండగా.. ఏవమ్మా.. అవన్నీ నీకెందుకమ్మా.. అని అంటాడు. కానీ.. అరేయ్ గోవిందం.. అడిగినప్పుడు సమాధానం చెప్పి నోరు మూయించాలిరా అంటుంది. చెప్పనీయ్.. నీ కోడలు ఏం సమాధానం చెబుతుందో చూడనీయి అంటుంది.

Janaki Kalaganaledu 16 Nov Today Episode : మైరావతి పెట్టిన మరోటెస్ట్ లోనూ జానకి పాస్

మీకన్నా తక్కువ చదువుకున్న వ్యక్తిని పెళ్లి చేసుకున్నారని ఊళ్లో అందరూ చెవులు కొరుక్కుంటున్నారు. మీరు జ్ఞానాంబ ఆస్తిని చూసే పెళ్లి చేసుకున్నారని అందరూ అనుకుంటున్నారమ్మా.. అంటుంది ఆ పెద్దావిడ. దీంతో.. పెళ్లికి ముందు మా అత్తయ్య గారికి ఏం ఆస్తులు ఉన్నాయో కూడా నాకు తెలియదు. స్వీట్ షాపు నడుపుకునే వ్యక్తిని ఎలా పెళ్లి చేసుకున్నారు అనే కదా అడిగారు.. సంపాదిస్తే ఆస్తులు వస్తాయి కానీ.. సంస్కారం రాదు.

మా ఆయనకు చదువు లేకపోయినా.. శిఖరం అంత సంస్కారం ఉంది. ఒక ఆడపిల్లకు పెళ్లిసంబంధం చూసేటప్పుడు చూడాల్సింది.. చదువుకున్నవాడా.. డబ్బులున్నవాడా కాదు.. మంచోడా.. మంచి మనసు ఉన్నాడో అని. ఈ విషయంలో మా ఆయన మనసు మంచికొండ.. ఒక అమ్మాయి.. అత్తారింట్లో సంతోషంగా ఉండాలంటే.. భార్యను భర్త అర్థం చేసుకునేవాడై ఉండాలి. ఈ విషయంలో మా ఆయన దేవుడు.. అందుకే నేను మా అత్తారింట్లో చాలా సంతోషంగా ఉన్నాను అని చెబుతుంది జానకి. నా భర్త శ్రీరామచంద్రుడి కన్నా గొప్పోడు.. పురుషోత్తముడు అని చెప్పి పొగడగానే.. అందరూ చప్పట్లు కొడతారు.

కట్ చేస్తే.. ఇంట్లో అందరూ దీపావళి సంబురాలు జరుపుకుంటూ ఉంటారు. రామా.. జానకి.. ఇద్దరూ కలిసి దీపాలు వెలిగిస్తారు. టపాసులు కాల్చి సంబురాలు చేసుకుంటారు. రామా, జానకి అందరూ డ్యాన్సులు చేసి పండుగ చేసుకుంటారు. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.

Varun G

No bio available for this author.

  1. "Nara Lokesh CM : ఏపీ రాజకీయాల్లో బిగ్ ట్విస్ట్?.. సీఎంగా లోకేష్.. చంద్రబాబు పాత్ర ఏంటనే చర్చ!"

  2. "Bigg Boss 10 Telugu : ఇదెక్కడి ట్విస్ట్ రా బాబూ.. త్రిగుణ్‌కు షాకిచ్చిన ముకేష్.. ఓటింగ్‌లో కొత్త లెక్కలు !"

  3. "Today Horoscope : 21 నవంబర్ 2026 శ‌నివారం ఈ రోజు మీ రాశి ఫలాలు..ఆ 4 రాశులకు ధనలాభం.. ఊహించని సర్‌ప్రైజ్!"

  4. "China USA Gold : అమెరికాకు చెక్ పెట్టేలా చైనా మాస్టర్ ప్లాన్.. భారీగా బంగారం కొనుగోళ్లు.. అసలు ప్లాన్ ఏంటి..?"

  5. "Rashmika Mandanna : రష్మిక కొత్త లుక్ అదుర్స్.. ‘ఒసేయ్ రాములమ్మ’ పాట లాంచ్‌లో నేషనల్ క్రష్ సందడి!"

  6. "Redmi Turbo 6 Max : రెడ్‌మి నుంచి మరో పవర్‌ఫుల్ స్మార్ట్‌ఫోన్.. 185Hz డిస్‌ప్లే, భారీ బ్యాటరీ..!"

  7. "OM Movie Review : ధనుష్, మమ్ముట్టి ఓం మూవీ రివ్యూ అండ్ రేటింగ్‌..!"

Google The Telugu News మీకు నచ్చిన సైటుగా ఎంచుకోండి
WhatsApp