Summer Diet : చియా సీడ్స్ vs ఫ్లాక్స్ సీడ్స్ .. వేసవి కాలంలో ఏవి తినడం వల్ల ఎక్కువ ప్రయోజనం.. ఎలాంటి జాగ్రత్తలు పాటించాలి ?
Authored By Sudheer Ramanujam
| The Telugu News |
Published on: April 20, 2026, 6:00 am
Summer Diet : చియా సీడ్స్ vs ఫ్లాక్స్ సీడ్స్ .. వేసవి కాలంలో ఏవి తినడం వల్ల ఎక్కువ ప్రయోజనం.. ఎలాంటి జాగ్రత్తలు పాటించాలి ?
Summer Diet : వేసవి కాలం మొదలవగానే మన ఆహారపు అలవాట్లలో మార్పులు చేయడం అవసరం అవుతుంది. పెరుగుతున్న ఉష్ణోగ్రతల కారణంగా శరీరాన్ని చల్లగా ఉంచే ఆహారాలపై మనం ఎక్కువ దృష్టి పెడతాం. పండ్లు, పానీయాలతో పాటు ఇటీవల విత్తనాల వినియోగం కూడా విపరీతంగా పెరిగింది. చియా గింజలు, అవిసె గింజలు, గుమ్మడి గింజలు వంటి విత్తనాలు ఆరోగ్యానికి మేలు చేస్తాయి. అయితే వీటిని సరైన విధంగా తీసుకోకపోతే లాభం కన్నా నష్టమే ఎక్కువ. ముఖ్యంగా వేసవిలో వీటి స్వభావాన్ని అర్థం చేసుకుని తీసుకోవడం చాలా ముఖ్యం.
Chia Seeds vs Flax Seeds: Benefits and Risks of Eating These in Summer
Summer Diet : చల్లదనం ఇచ్చే విత్తనాలు .. ఎలా తీసుకోవాలి?
చియా గింజలు వేసవిలో అత్యుత్తమమైన ఎంపికగా భావించబడుతున్నాయి. ఇవి శరీరానికి తేమను అందించి డీహైడ్రేషన్ను నివారించడంలో సహాయపడతాయి. అయితే చాలామంది చేసే తప్పు ఏమిటంటే వీటిని నేరుగా తినడం. చియా గింజలను కనీసం ఒక గంటపాటు నీటిలో నానబెట్టాలి. అప్పుడు అవి జెల్లా మారి శరీరానికి తగిన హైడ్రేషన్ను ఇస్తాయి. ఈ గింజలను మజ్జిగ, జ్యూస్ లేదా స్మూతీలలో కలిపి తీసుకుంటే ఇంకా మంచిది. ఇలా తీసుకోవడం వల్ల వేసవిలో శరీరం చల్లగా ఉండటానికి సహకరిస్తుంది.
Summer Diet : వేడి ప్రభావం ఉన్న విత్తనాలు .. మితంగా తీసుకోవాలి
అవిసె గింజలు, గుమ్మడి గింజలు పోషకాలతో నిండినప్పటికీ వీటికి వేడి చేసే గుణం ఉంటుంది. అవిసె గింజలను నేరుగా మింగడం చాలా మంది చేస్తారు ఇది సరైన పద్ధతి కాదు. వాటిని తేలికగా వేయించి పొడిగా చేసి పెరుగు లేదా సలాడ్లలో కలిపి తీసుకోవాలి. అదే విధంగా గుమ్మడి గింజలను కూడా తక్కువ పరిమాణంలో తీసుకోవాలి. ఇవి మెగ్నీషియం, ఇనుముతో నిండి ఉన్నప్పటికీ వేసవిలో ఎక్కువగా తింటే శరీరంలో వేడి పెరుగుతుంది. కాబట్టి వీటిని సలాడ్లు, ఓట్స్ లేదా పెరుగుతో కలిపి తినడం ఉత్తమం. నువ్వులు కూడా ఎక్కువగా వేడి చేసే విత్తనాలే. వేసవిలో వీటిని నేరుగా తీసుకోవడం మంచిది కాదు. అవసరమైతే పొడి లేదా పేస్ట్ రూపంలో తక్కువ మోతాదులో మాత్రమే ఉపయోగించాలి. లేకపోతే చర్మ సమస్యలు, జీర్ణ సమస్యలు రావచ్చు.
Summer Diet : తప్పులు .. ఆరోగ్యంపై ప్రభావం
పొద్దుతిరుగుడు గింజలు కూడా ఆరోగ్యకరమైనవే అయినప్పటికీ వీటిని కూడా పరిమితంగా తీసుకోవాలి. నేరుగా తినడం కంటే కొద్దిసేపు నీటిలో నానబెట్టి లేదా స్వల్పంగా వేయించి తినడం మంచిది. ఎక్కువగా తీసుకుంటే కడుపులో ఉబ్బరం, అసౌకర్యం కలగవచ్చు. వేసవిలో ఏ విత్తనమైనా సరే నానబెట్టి తినడం సురక్షితమైన పద్ధతి. ఇది విత్తనాలలో ఉండే ఎంజైమ్ ఇన్హిబిటర్లను తొలగించి జీర్ణక్రియను మెరుగుపరుస్తుంది. అలాగే విత్తనాలు తీసుకునేటప్పుడు నీటిని ఎక్కువగా తాగడం చాలా ముఖ్యం. లేకపోతే డీహైడ్రేషన్ సమస్యలు తలెత్తే అవకాశం ఉంటుంది.
గమనిక: ఈ సమాచారం సాధారణ ఆరోగ్య అవగాహన కోసం మాత్రమే. వ్యక్తిగత ఆరోగ్య పరిస్థితులు, అలర్జీలు ఉంటే విత్తనాలను ఆహారంలో చేర్చే ముందు వైద్యులు లేదా డైటీషియన్ను సంప్రదించడం ఉత్తమం.
Also read
