Strong Bones : మీ ఎముకల బలానికి ఈ పొడులను పాలలో కలిపి తాగండి.. నొప్పులు మాయం
ప్రధానాంశాలు:
Strong Bones : మీ ఎముకల బలానికి ఈ పొడులను పాలలో కలిపి తాగండి.. నొప్పులు మాయం
Strong Bones : మన శరీరానికి బలమైన ఎముకలు ఎంతో అవసరం. ఈ రోజుల్లో వయస్సుతో పనిలేకుండా చిన్నా పెద్దా అందరూ మోకాళ్లు, నడుం నొప్పులతో బాధపడుతున్నారు. దీనికి కారణం సరైన పోషకాలు లేకపోవడమే అంటున్నారు వైద్య నిపుణులు. ఈ పరిస్థితిని సహజ పద్ధతిలో చక్కబెట్టడం సాధ్యమే అంటున్నారు. మన తాగే పాలలో కొన్ని పొడులను కలిపి తీసుకుంటే శరీరానికి కావాల్సిన పోషణ లభించి ఎముకలు స్ట్రాంగ్గా తయారు అవుతాయి. ఇలా చేయడం వల్ల నొప్పులు కూడా మాయమైపోతాయి.
Strong Bones : మీ ఎముకల బలానికి ఈ పొడులను పాలలో కలిపి తాగండి.. నొప్పులు మాయం
బాదం : బాదంలో కాల్షియం చాలా ఎక్కువగా ఉంటుంది. పాలలో చిన్న స్పూన్ బాదం పొడి కలిపి తాగితే ఎముకలు దృఢంగా తయారవుతాయి. ఇది తరచూ తాగడం వల్ల మోకాళ్ల సమస్యలు తగ్గుతాయి.
ఇలాచి : ఇలాచిలో సహజ యాంటీ ఆక్సిడెంట్లు ఉంటాయి. పాలలో కొద్దిగా ఇలాచి పొడి కలిపి తాగితే శరీరంలోని హానికరమైన పదార్థాలు బయటికి వెళ్లిపోతాయి. దీనివల్ల శక్తి పెరిగి చురుకుదనం వస్తుంది.
అశ్వగంధ : అశ్వగంధ శక్తినిచ్చే ఆయుర్వేద మూలిక. పాలతో కలిపి తాగితే ఒత్తిడి తగ్గి శరీరానికి ప్రశాంతత కలుగుతుంది. దీనివల్ల ఎముకల ఆరోగ్యం మెరుగవుతుంది. ఇది రాత్రి పడుకోబోయే ముందు తీసుకుంటే మరింత ప్రయోజనకరంగా ఉంటుంది.
పసుపు : పసుపు శరీరంలో ఉన్న వాపులను తగ్గించగలిగే గుణం కలిగి ఉంటుంది. పాలలో పసుపు కలిపి తాగడం వల్ల నొప్పులు తగ్గుతాయి.
డ్రై అంజీర్ : ఎండిన అంజీరులో ఐరన్తో పాటు కాల్షియం ఎక్కువగా లభిస్తుంది. పాలలో ఈ పొడి కలిపి తాగడం వల్ల ఎముకల బలంతో పాటు రక్తహీనత నివారించడంలో కూడా సహాయ పడుతుంది.
నువ్వులు : నువ్వుల్లో కాల్షియం అధికంగా ఉంటుంది. పాలలో నువ్వుల పొడి కలిపి తాగడం వల్ల ఎముకల దృఢత్వం పెరుగుతుంది.
ఖర్జూరా : ఖర్జూరాల్లో ఐరన్, ఖనిజాల పరంగా సమృద్ధిగా ఉండటంతో పాలలో కలిపి తాగినప్పుడు శరీరానికి శక్తి లభిస్తుంది. ఎముకలు బలపడతాయి.
దాల్చిన చెక్క : దాల్చిన చెక్కలో యాంటీ ఆక్సిడెంట్లు ఎక్కువగా ఉంటాయి. పాలలో ఈ పొడి కలిపి తీసుకుంటే రోగనిరోధక శక్తి పెరుగుతుంది.
అలాగే రాగులు, బార్లీ, శనగలు, సోయాబీన్ వంటి ధాన్యాల మిశ్రమాన్ని పొడి రూపంలో తయారు చేసి పాలలో కలిపి తాగితే శక్తి పెరుగుతుంది. ఈ పద్ధతి ద్వారా ఎముకలకు కావాల్సిన పోషకాలు అందుతాయి. బెల్లం సహజంగా ఐరన్ అందించే మంచి మార్గం. పాలలో బెల్లం పొడి కలిపి తాగడం వల్ల రక్తంలో హిమోగ్లోబిన్ పెరుగుతుంది. ఇది ఎముకల ఆరోగ్యానికి మంచిది.
Also read
