Ration Card : రేషన్ కార్డుదారులకు బిగ్ అప్డేట్.. భారీ మార్పులు!
ప్రధానాంశాలు:
Ration Card : రేషన్ కార్డుదారులకు బిగ్ అప్డేట్.. భారీ మార్పులు!
Ration Card : తెలంగాణలో Telangna రేషన్ కార్డు లబ్ధిదారులకు ప్రభుత్వం మరో కీలక నిర్ణయం తీసుకుంది. ఎన్నేళ్లుగా ఉపయోగిస్తున్న కాగితపు రేషన్ కార్డులకు త్వరలో గుడ్బై చెప్పి, అత్యాధునిక సాంకేతికతతో రూపొందించిన స్మార్ట్ రేషన్ కార్డులను అందుబాటులోకి తీసుకురానుంది. పేద, మధ్యతరగతి కుటుంబాలకు ప్రభుత్వం అందిస్తున్న రేషన్ సరుకుల పంపిణీ వ్యవస్థను మరింత పారదర్శకంగా, వేగవంతంగా మార్చడమే ఈ నిర్ణయం వెనుక ప్రధాన ఉద్దేశం. ఇప్పటికే రాష్ట్రంలోని జిల్లాలకు స్మార్ట్ కార్డుల సరఫరా ప్రక్రియ ప్రారంభమైనట్లు అధికారులు తెలిపారు. ముఖ్యమంత్రి అధికారికంగా ఈ కార్యక్రమాన్ని ప్రారంభించిన వెంటనే జిల్లాల వారీగా లబ్ధిదారులకు స్మార్ట్ రేషన్ కార్డుల పంపిణీ చేపట్టనున్నారు.కాగితపు కార్డుల స్థానంలో ఏటీఎం కార్డు తరహాలో ఉండే ఈ కొత్త కార్డుల్లో QR కోడ్, డిజిటల్ చిప్, బార్కోడ్, డిజిటల్ వెరిఫికేషన్ వంటి ఆధునిక ఫీచర్లు ఉండనున్నాయి. దీంతో డూప్లికేట్ కార్డులు, అక్రమాలు, నకిలీ లబ్ధిదారుల సమస్యలకు గట్టి చెక్ పడుతుందని ప్రభుత్వం భావిస్తోంది.
Ration Card : రేషన్ కార్డుదారులకు బిగ్ అప్డేట్.. భారీ మార్పులు!
Ration Card స్మార్ట్ రేషన్ కార్డుల్లో ఏమేమి ఉంటాయి?
ప్రభుత్వం ప్రవేశపెడుతున్న స్మార్ట్ రేషన్ కార్డులు సాధారణ ప్లాస్టిక్ PVC కార్డు రూపంలో ఉంటాయి. వీటిని సులభంగా ఎక్కడికైనా తీసుకెళ్లవచ్చు. కార్డు ముందు భాగంలో కుటుంబ యజమాని ఫోటో, రేషన్ కార్డు నంబర్, సంబంధిత రేషన్ షాప్ నంబర్ ముద్రిస్తారు. వెనుక భాగంలో కుటుంబ సభ్యుల పూర్తి వివరాలు, ఇతర అవసరమైన సమాచారం ఉంటుంది. QR కోడ్ను స్కాన్ చేయడం ద్వారా లబ్ధిదారుల వివరాలు వెంటనే ధృవీకరించే అవకాశం ఉంటుంది. డిజిటల్ వెరిఫికేషన్ కారణంగా పంపిణీ ప్రక్రియ మరింత వేగంగా పూర్తవుతుంది. ఇప్పటి వరకు కాగితపు కార్డులు చిరిగిపోవడం, పోవడం, నకిలీ కార్డులు తయారవడం వంటి సమస్యలు ఉండేవి. స్మార్ట్ కార్డుల ద్వారా అలాంటి ఇబ్బందులు దాదాపు తొలగిపోతాయని అధికారులు చెబుతున్నారు.
Ration Card జిల్లాలో లక్షలాది మంది లబ్ధిదారులకు స్మార్ట్ కార్డులు
రాజన్న సిరిసిల్ల జిల్లాలో ప్రస్తుతం సుమారు 1.96 లక్షల రేషన్ కార్డులు ఉండగా, మొత్తం 5.76 లక్షల మంది లబ్ధిదారులు ఉన్నారు.
ఆహార భద్రత కార్డులు – 1,82,063
లబ్ధిదారులు – 5,40,804 మంది
అంత్యోదయ అన్న యోజన కార్డులు – 13,830
లబ్ధిదారులు – 35,466 మంది
అన్నపూర్ణ యోజన కార్డులు – 199
లబ్ధిదారులు – 205 మంది
జిల్లాలోని బోయిన్పల్లి, చందుర్తి, గంభీరావుపేట, ఇల్లంతకుంట, కోనరావుపేట, ముస్తాబాద్, రుద్రంగి, సిరిసిల్ల, తంగళ్లపల్లి, వీర్నపల్లి, వేములవాడ, వేములవాడ రూరల్, ఎల్లారెడ్డిపేట మండలాల్లోని అన్ని అర్హులైన కుటుంబాలకు స్మార్ట్ రేషన్ కార్డులు పంపిణీ చేయనున్నారు.
Ration Card స్మార్ట్ కార్డు ఎలా పొందాలి?
ప్రస్తుతం రేషన్ కార్డు కలిగిన లబ్ధిదారులు తమ పాత కార్డును సంబంధిత రేషన్ దుకాణంలో చూపించి స్మార్ట్ కార్డును పొందవచ్చు.అదేవిధంగా TSePASS వెబ్సైట్ ద్వారా ఆన్లైన్లో కూడా దరఖాస్తు చేసుకునే అవకాశం కల్పించనున్నారు. దీనివల్ల కొత్తగా అర్హత పొందిన కుటుంబాలు కూడా సులభంగా స్మార్ట్ రేషన్ కార్డును పొందగలవు.
Ration Card రాష్ట్రంలో ఎక్కడైనా రేషన్ తీసుకునే అవకాశం
ప్రస్తుతం బయోమెట్రిక్ విధానంలో రాష్ట్రంలోని ఏ రేషన్ దుకాణంలోనైనా సరుకులు తీసుకునే సౌకర్యం ఉన్నప్పటికీ, కొన్ని ప్రాంతాల్లో సాంకేతిక సమస్యల వల్ల లబ్ధిదారులు ఇబ్బందులు ఎదుర్కొంటున్నారు.కొత్త స్మార్ట్ కార్డుల్లో QR కోడ్, చిప్ టెక్నాలజీ ఉండటంతో రాష్ట్రంలోని ఏ రేషన్ షాపులోనైనా మరింత వేగంగా, సులభంగా రేషన్ సరుకులు పొందే అవకాశం ఉంటుంది.అంతేకాకుండా కార్డుల డూప్లికేట్ సమస్య పూర్తిగా తగ్గుతుంది. లబ్ధిదారుల వివరాలు డిజిటల్ రూపంలో ఉండటం వల్ల గుర్తింపు ప్రక్రియలో ఎలాంటి ఇబ్బందులు ఉండవు.
డిజిటల్ రేషన్ వ్యవస్థతో అక్రమాలకు చెక్
స్మార్ట్ రేషన్ కార్డుల అమలుతో ప్రభుత్వానికి కూడా పలు ప్రయోజనాలు ఉన్నాయి. అర్హులైన వారికి మాత్రమే రేషన్ అందడం, నకిలీ కార్డుల నిర్మూలన, రేషన్ పంపిణీలో పారదర్శకత పెరగడం, డేటా నిర్వహణ సులభతరం కావడం వంటి ప్రయోజనాలు కలుగుతాయి.అలాగే లబ్ధిదారులు కార్డు పోగొట్టుకున్నా డిజిటల్ రికార్డు ద్వారా త్వరగా కొత్త కార్డు పొందే అవకాశం ఉంటుంది. ప్రభుత్వం చేపడుతున్న డిజిటల్ పబ్లిక్ డిస్ట్రిబ్యూషన్ సిస్టమ్లో స్మార్ట్ రేషన్ కార్డులు కీలక పాత్ర పోషించనున్నాయి.ప్రభుత్వం అధికారికంగా ప్రారంభించిన వెంటనే జిల్లాల వారీగా పంపిణీ ప్రారంభం కానుండటంతో లక్షలాది కుటుంబాలు ఈ కొత్త వ్యవస్థ ద్వారా ప్రయోజనం పొందనున్నాయి.
Also read
