School Holidays: ఆసియాలోనే అతిపెద్ద గిరిజన ఆధ్యాత్మిక మహోత్సవంగా పేరుగాంచిన మేడారం సమ్మక్క–సారలమ్మ జాతరకు సమయం ఆసన్నమైంది. జనవరి 28 (ఈరోజు) నుంచి అధికారికంగా జాతర మొదలుకానుండగా ఇప్పటికే మేడారం అరణ్య ప్రాంతం భక్తులతో నిండిపోయింది. తెలంగాణతో పాటు ఆంధ్రప్రదేశ్, ఛత్తీస్‌గఢ్, మహారాష్ట్ర వంటి పక్క రాష్ట్రాల నుంచి లక్షలాది మంది తరలివస్తున్నారు. ప్రతి రెండేళ్లకోసారి జరిగే ఈ జాతర కేవలం పండగ మాత్రమే కాదు.. గిరిజనుల ఆత్మగౌరవానికి సంప్రదాయాలకు ప్రతీకగా నిలుస్తోంది. ఈసారి కూడా భక్తుల రాకతో ట్రాఫిక్, భద్రత, వసతులపై ప్రభుత్వ యంత్రాంగం పూర్తి స్థాయిలో ఫోకస్ పెట్టింది. అయితే ఈ సందడి మధ్యలో తెలంగాణ స్టూడెంట్స్, పేరెంట్స్, టీచర్ల మైండ్‌లో మాత్రం ఒకే ఒక ప్రశ్న తిరుగుతోంది “స్కూళ్లకు సెలవులు ఇస్తారా? లేదా?”

సెలవులపై డిమాండ్.. ప్రభుత్వం ఏం చేస్తుంది?

School Holidays: జనవరి 28 నుంచి 31 వరకు నాలుగు రోజుల పాటు సాగే ఈ మహా జాతరకు ప్రభుత్వం అధికారికంగా సెలవులు ప్రకటించాలన్న డిమాండ్ బలంగా వినిపిస్తోంది. ఇది ప్రభుత్వ ఆధ్వర్యంలో జరిగే పండగ కావడం లక్షల మంది రోడ్ల మీదకు రావడం ట్రాఫిక్ జామ్స్ తీవ్రంగా ఉండటం వంటి కారణాలతో సెలవులు ఇవ్వడం సమంజసమని పేరెంట్స్, టీచర్ అసోసియేషన్లు అభిప్రాయపడుతున్నాయి. పిల్లలు కూడా ఈ సాంస్కృతిక వైభవాన్ని ప్రత్యక్షంగా చూడాలన్నదే వారి ప్రధాన వాదన. ప్రస్తుతం జాతర జరిగే ఉమ్మడి వరంగల్ జిల్లాలో మాత్రం లోకల్ హాలిడేస్ ప్రకటించారు. ఇది ప్రతి జాతర సమయంలో జరిగే ప్రక్రియే. కానీ ఈసారి మేడారం జాతరకు స్టేట్ వైడ్ క్రేజ్ ఉండటంతో తెలంగాణ మొత్తం స్కూళ్లకు సెలవులు ఇవ్వాలని PRTU వంటి ఉపాధ్యాయ సంఘాలు ప్రభుత్వాన్ని కోరుతున్నాయి. ఇప్పటివరకు అధికారిక ప్రకటన రాకపోయినా జాతర ప్రారంభం దగ్గర పడుతుండటంతో జనవరి 28నైనా కీలక నిర్ణయం వెలువడే అవకాశముందన్న టాక్ వినిపిస్తోంది.

సెలవులొస్తే 5 రోజుల బ్రేక్.. భక్తులకు భారీ ఊరట

School Holidays: ఒకవేళ ప్రభుత్వం జాతర సెలవులకు గ్రీన్ సిగ్నల్ ఇస్తే జనవరి 28 నుంచి 31 వరకు నాలుగు రోజుల సెలవులు వస్తాయి. వాటికి ఫిబ్రవరి 1 ఆదివారం కూడా కలిస్తే స్టూడెంట్స్‌కు వరుసగా 5 రోజుల బ్రేక్ లభించినట్టే. ఇది కుటుంబాలతో కలిసి జాతరకు వెళ్లేందుకు రద్దీని తట్టుకుని సేఫ్‌గా తిరిగి రావడానికి చాలా ఉపయోగపడుతుంది. అలాగే పోలీస్, రవాణా శాఖలకు కూడా జనాన్ని కంట్రోల్ చేయడం కొంత సులభమవుతుంది. సెలవు అంటే చదువుకు బ్రేక్ ఇవ్వడమే కాదు.. మన సంస్కృతి, మూలాలను పిల్లలకు పరిచయం చేయడమూ. మేడారం జాతర గిరిజన సంప్రదాయాల జీవంత రూపం. భావితరాలకు ఈ చరిత్ర తెలిసే అవకాశం ఇలాంటి సందర్భాల్లోనే లభిస్తుంది. మరోవైపు భక్తుల సౌకర్యార్థం TGSRTC ఇప్పటికే 4,000 ప్రత్యేక బస్సులను నడుపుతోంది. హైదరాబాద్ నుంచే 400 స్పెషల్ బస్సులు అందుబాటులో ఉన్నాయి. ఈసారి దాదాపు 20 లక్షల మంది ఆర్టీసీ బస్సుల్లోనే ప్రయాణిస్తారని అంచనా. సొంత వాహనాల్లో వెళ్లేవారు ట్రాఫిక్ ఆంక్షలు పార్కింగ్ వివరాల కోసం పోలీసుల అధికారిక సోషల్ మీడియా పేజీలు లేదా ‘మేడారం జాతర’ యాప్‌ను చెక్ చేయడం మంచిది. రద్దీని దృష్టిలో పెట్టుకుని ముందస్తు ప్రణాళికతో ప్రయాణం చేస్తే ఈ వన దేవతల పండగ మరింత స్మరణీయంగా మారుతుంది.