YS Sharmila : వైఎస్ షర్మిల అన్నను బెదిరిస్తోందా? లేక నిజంగానే ఏపీలో పార్టీ పెట్టబోతోందా? | The Telugu News | Breaking News Telugu | తెలుగు వార్త‌లు

YS Sharmila : వైఎస్ షర్మిల అన్నను బెదిరిస్తోందా? లేక నిజంగానే ఏపీలో పార్టీ పెట్టబోతోందా?

 Authored By jagadesh | The Telugu News | Updated on :4 January 2022,9:00 pm

YS Sharmila : వైఎస్ షర్మిల గురించి ఇప్పుడు తెలుగు రాష్ట్రాల్లో జనాలు చర్చించుకుంటున్నారు. దానికి కారణం.. ఆమె చేసిన వ్యాఖ్యలు. ఇప్పటికే తెలంగాణలో పార్టీ పెట్టి.. తెలంగాణలో రాజన్న రాజ్యం తీసుకొస్తా అంటూ తెలంగాణ అంతటా పర్యటిస్తూ.. తెలంగాణ ప్రజలకు దగ్గరయ్యేందుకు వైఎస్ షర్మిల తెగ ప్రయత్నాలు చేస్తోంది.అందుకే.. తెలంగాణ ప్రభుత్వంపై ఆరోపణలు చేస్తూ.. పేద ప్రజలకు అండగా ఉంటానంటూ భరోసా ఇస్తోంది. అయితే..

చాలామంది రాజకీయ విశ్లేషకులు.. షర్మిల.. తెలంగాణలో కాదు.. ఏపీలో పార్టీ పెట్టి అన్నకు పోటీగా నిలబడాలి అంటూ వ్యాఖ్యలు చేస్తున్న సందర్భంలో.. ఏపీలో పార్టీ పెట్టకూడదని ఏం రూల్ లేదు కదా అంటూ షర్మిల చేసిన వ్యాఖ్యలు ప్రస్తుతం తెలుగు రాష్ట్రాల్లో సంచలనం సృష్టించాయి.ఏపీలో పార్టీ పెట్టేందుకు షర్మిల ప్రయత్నాలు చేస్తోందా? అంటే అవుననే సమాధానం వస్తోంది. ఇప్పటికే ఆమె పలు సందర్భాల్లో ఆమె ఏపీలో పార్టీ పెట్టడం గురించి వ్యాఖ్యానించారు.

ys sharmila launch party in andhra pradesh against ys jagan

ys sharmila launch party in andhra pradesh against ys jagan

YS Sharmila : త్వరలో ఏపీలో పర్యటించనున్న షర్మిల

తన అన్న, ఏపీ సీఎం వైఎస్ జగన్ తో తనకు విభేదాలు ఏర్పడిన నేపథ్యంలో.. అన్నకు వ్యతిరేకంగా ఏపీలో పార్టీ పెట్టి షర్మిల నెగ్గుకు రాగలదా.. అనేదే పెద్ద ప్రశ్నగా మిగిలింది.అందుకే.. త్వరలో ఏపీలో పర్యటన చేయాలని షర్మిల భావిస్తున్నారట. ఒకవేళ షర్మిల ఏపీలో పార్టీ పెడితే.. జగన్.. తన సొంత చెల్లెలును ఎలా ఎదుర్కొంటారు అనేది తెలియాలంటే ఇంకొన్ని రోజులు ఆగాల్సిందే.

Advertisement
WhatsApp Group Join Now

jagadesh

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది