Sheikh Hasina : షేక్ హసీనాను అరెస్టు చేసి అప్పగించండి.. భారత్ను కోరిన ఎస్సీబీఏ ప్రెసిడెంట్ విజ్ఞప్తి..!
ప్రధానాంశాలు:
Sheikh Hasina : షేక్ హసీనాను అరెస్టు చేసి అప్పగించండి.. భారత్ను కోరిన ఎస్సీబీఏ ప్రెసిడెంట్ విజ్ఞప్తి..!
Sheikh Hasina : ఢాకా : షేక్ హసీనా రాజీనామా తర్వాత బంగ్లాదేశ్లో పరిస్థితి మరింత అస్థిరంగా మారింది. మాజీ ప్రధాని, ఆమె సోదరి షేక్ రెహానాను అరెస్టు చేసి బంగ్లాదేశ్కు తిరిగి పంపాలని ఆ దేశ సుప్రీంకోర్టు బార్ అసోసియేషన్ (SCBA) అధ్యక్షుడు ఏఎం మహబూబ్ ఉద్దీన్ ఖోకాన్ భారత్ను కోరారు. బంగ్లాదేశ్ మీడియా సంస్థ ఢాకా ట్రిబ్యూన్ తెలిపిన వివరాల ప్రకారం.. SCBA ఆడిటోరియంలో జరిగిన విలేకరుల సమావేశంలో ఖోకాన్ మాట్లాడుతూ.. తాము భారత ప్రజలతో సానుకూల సంబంధాన్ని కొనసాగించాలనుకుంటున్నట్లు వెల్లడించిన ఆయన దేశం విడిచి పారిపోయిన షేక్ హసీనా, షేక్ రెహానాలను అరెస్టు చేసి, వారిని తిరిగి బంగ్లాదేశ్కు పంపాల్సిందిగా పేర్కొన్నారు. బంగ్లాదేశ్లో అనేక మరణాలకు హసీనా కారణమైందని ఆయన ఆరోపించారు,
బంగ్లాదేశ్ నేషనలిస్ట్ పార్టీ (BNP) జాయింట్ సెక్రటరీ జనరల్ అయిన ఖోకాన్, అత్యవసర పరిస్థితిని ప్రకటించడాన్ని వ్యతిరేకిస్తూ, రాజకీయ కార్యకలాపాలు మరియు అవినీతికి పాల్పడిన సుప్రీంకోర్టు న్యాయమూర్తులు వారంలోగా రాజీనామా చేయాలని డిమాండ్ చేశారు. హసీనా నేతృత్వంలోని అటార్నీ జనరల్ AM అమీన్ ఉద్దీన్తో సహా రాష్ట్ర న్యాయ అధికారులు, అవినీతి నిరోధక కమిషన్ (ACC) మరియు జాతీయ మానవ హక్కుల కమిషన్ (NHRC) అధిపతులు, అధికారులు రాజీనామా చేయాలని కూడా ఆయన పిలుపునిచ్చారు. అలాగే రాజకీయ ఖైదీలను విడుదల చేయాలని డిమాండ్ చేశారు.
Sheikh Hasina : షేక్ హసీనాను అరెస్టు చేసి అప్పగించండి.. భారత్ను కోరిన ఎస్సీబీఏ ప్రెసిడెంట్ విజ్ఞప్తి..!
బంగ్లాదేశ్లో పెరుగుతున్న నిరసనల నేపథ్యంలో షేక్ హసీనా తన పదవికి రాజీనామా చేసిన విషయం తెలిసిందే. ప్రభుత్వ ఉద్యోగాల కోటా విధానాన్ని నిలిపివేయాలని డిమాండ్ చేస్తూ ప్రధానంగా విద్యార్థులు తలపెట్టిన నిరసనలు ప్రభుత్వ వ్యతిరేక నిరసనల రూపాన్ని సంతరించుకున్నాయి. ఆందోళనలు హింసాత్మక రూపు దాల్చడంతో హసీనా గడిచిన సోమవారం సాయంత్రం భారత్కు చేకుంది. ఈ నేపథ్యంలో హసీనాను, ఆమె సోదరి రెహానాను అరెస్ట్ చేసి అప్పగించాల్సిందిగా ఖోకాన్ భారత్ను కోరారు.
Also read
