Air India Crash : అహ్మదాబాద్ విమాన ప్రమాదం దేశాన్ని కుదిపేసిన సంగతి తెలిసిందే. ఎయిరిండియా విమానం గురువారం మధ్యాహ్నం రన్‌వేపై వేగంగా దూసుకెళ్తూ హాస్టల్ భవనాన్ని ఢీకొనడంతో భారీ విషాదం చోటు చేసుకుంది. ఈ ప్రమాదంలో విమానంలోని 241 మంది దుర్మరణం చెందగా, కేవలం ఒకే ఒకడు విశ్వస్ కుమార్ రమేష్ ప్రాణాలతో బయటపడ్డారు. విమానంలోని ఎమర్జెన్సీ ఎగ్జిట్ దగ్గర 11ఏ సీటులో కూర్చున్న ఆయన ప్రస్తుతం ఆసుపత్రిలో చికిత్స పొందుతున్నారు…

Air India Crash విమాన ప్రమాదంలో తనను కాపాడింది అదే అంటూ ఎమోషనల్ కు గురైన విశ్వస్ కుమార్ రమేష్

ఆపదలో నుంచి బయటపడిన విశ్వస్ కుమార్ తాజాగా మీడియాతో మాట్లాడారు. విమానం టేకాఫ్‌కు సిద్ధమవుతున్న సమయంలోే తనకు ఏదో వింతగా అనిపించిందని చెప్పారు. ఒక్కసారిగా లోపల నిశబ్దం ఏర్పడిందని, ఆకుపచ్చ, తెలుపు లైట్లు వెలిగాయని గుర్తు చేశారు. పైలెట్లు పూర్తిగా కాపాడేందుకు ప్రయత్నించినా, విమానం నేరుగా ఓ భవనాన్ని ఢీకొట్టిందని పేర్కొన్నారు. ప్రమాద సమయంలో తన సీటుబెల్ట్ ఊడిపోయి, సీటుతో సహా బయటకు విసిరి పడినట్లు తెలిపారు. తాను చనిపోతానని అనుకున్నానని, కళ్లు తెరిచి చూస్తే బ్రతికే ఉన్నానని ఆయన ఎమోషనల్ గా తెలిపారు.

విమానం ముక్కలైపోవడం, మంటలు చెలరేగిన దృశ్యాలను కుమార్ వర్ణిస్తూ, తన పక్కన ఉన్న ఎయిర్ హోస్టెస్, ఇతర ప్రయాణికులు చనిపోయారని విచారం వ్యక్తం చేశారు. ప్రమాద సమయంలో విమానం నుంచి దూకలేదని, కానీ ఎమర్జెన్సీ డోర్ ఊడిపోవడంతో ఆ మార్గం ద్వారా బయటపడ్డానని చెప్పారు. ఈ సంఘటనలో తన చేతికి గాయమై కాలిపోయినట్టు తెలిపారు. ప్రస్తుతం ఆయన ఆరోగ్య పరిస్థితి స్థిరంగా ఉందని వైద్యులు తెలిపారు. ఈ ప్రమాదం దేశవ్యాప్తంగా దిగ్భ్రాంతికి గురిచేయగా, విశ్వస్ కుమార్ రమేష్ మృత్యుంజయుడిగా ప్రశంసలందుకుంటున్నారు.

ఎలా బతికానో తెలియడం లేదు…విమాన ప్రమాదం నుంచి బ్రతికిన ఏకైక వ్యక్తి రమేశ్ విశ్వాస్

ఆసుపత్రిలో చికిత్స పొందుతున్న ఆయన ప్రమాదం తర్వాత తొలిసారి మీడియాతో మాట్లాడారు

‘టేకాఫ్ అయిన 30సెకన్ల తర్వాత విమానం పెద్ద శబ్దంతో కూలిపోయింది. నేను స్పృహలోకి వచ్చేసరికి చుట్టూ మృతదేహాలున్నాయి. pic.twitter.com/OR7csW84Vy

— SURENDRA PILLELLA (@SURENDRAPILLEL1) June 13, 2025