Kashmir Pahalgam video : జమ్మూ కశ్మీర్‌లోని పహల్గామ్ ప్రాంతంలో తాజాగా జరిగిన ఉగ్రదాడి సమయంలో ఓ ముస్లిం వ్యక్తి తన ప్రాణాలను పణంగా పెట్టి పర్యాటకులను రక్షించడమే కాకుండా, మానవత్వానికి నిజమైన నిర్వచనంగా నిలిచాడు. తుపాకుల మోతలు మారుమోగుతున్న వేళ, ప్రజలు భయంతో పరుగులు తీస్తుండగా, ఈ యువకుడు మాత్రం గాయపడ్డ ఓ పర్యాటకుడిని భుజాన ఎత్తుకొని సురక్షిత ప్రాంతానికి తీసుకెళ్లాడు. తన ప్రాణాలకు ముప్పు ఉన్నా, అసలు వెనక్కి అడుగువేయకుండా సాహసంతో ముందుకెళ్లాడు.

Kashmir Pahalgam video రియల్ హీరో అంటే ఇతడే.. తుపాకీ బుల్లెట్లకు ఏమాత్రం భయపడకుండా టూరిస్టులను కాపాడాడు

గాయపడ్డ పర్యాటకుడిని రక్షించేందుకు తుపాకుల వర్షం మధ్యలో అడుగులు వేసిన ఈ యువకుడి ధైర్యానికి పలువురు పోలీసు అధికారులు, స్థానికులు సైతం ఆశ్చర్యపోయారు. “ఇది మానవతా ధర్మం, నేను చేసిందేమీ గొప్ప కాదు” అంటూ ఈ సాహసి తన దర్యసాహసాలను , గొప్పతనాన్ని ప్రదర్శించాడు. తన మతానికి కంటే ముందు మానవత్వాన్ని నిలబెట్టిన ఈ వ్యక్తి ఉదాహరణగా మారాడు. ఇతని చర్య వల్ల గాయపడిన పర్యాటకుడికి తక్షణ చికిత్స అందేలా చేసి ప్రాణాలను రక్షించగలిగారు.

ఈ సంఘటన దేశవ్యాప్తంగా ప్రజల హృదయాలను తాకింది. మతం కంటే మానవత్వమే గొప్పదని ఈ ముస్లిం యువకుడి చర్య మరోసారి నిరూపించింది. సమాజం అంతటా అసహనం, విద్వేషం పెరిగిపోతున్న సమయంలో ఇలాంటి సంఘటనలు అందరికీ మనిషితనాన్ని గుర్తు చేస్తాయి. ధైర్యం, వినమ్రత, సేవా భావం కలిసిన ఈ యువకుడిని దేశం అభినందిస్తోంది. అతని పేరు తెలియకపోయినా, అతని పని ఎప్పటికీ మరువలేనిది.

రీల్ కాదు.. రియల్ హీరో

ఉగ్రదాడి వేళ.. తన ప్రాణాలను పణంగా పెట్టి, టూరిస్టులను కాపాడిన ఓ ముస్లిం వ్యక్తి

తుపాకుల వర్షం కురుస్తున్నా.. గాయపడ్డ పర్యాటకుడ్ని భుజాన ఎత్తుకొని మరీ పరుగులు

మతం కాదు మానవత్వమే ముఖ్యమని.. ప్రాణాలను లెక్క చేయకుండా కాపాడిన హీరో#PahalgamTerroristAttack pic.twitter.com/BkyXWGLPXv

— PulseNewsBreaking (@pulsenewsbreak) April 23, 2025