Dunna Raju | హైదరాబాద్లో సదర్ వేడుకలకు సర్వం సిద్ధం .. కాస్ట్లీ లిక్కర్ తాగే ‘కాళీ’
Dunna Raju | హైదరాబాద్ నగరంలో యాదవుల సంప్రదాయ ఉత్సవం ‘సదర్’ కోసం ఏర్పాట్లు పూర్తి అయ్యాయి. ఈ ఏడాది సదర్ వేడుకలు దీపావళి తరువాత రాత్రి నారాయణగూడలో ప్రధానంగా నిర్వహించబడనుండగా, ముషీరాబాద్, కాచిగూడ ప్రాంతాల్లో కూడా ఉత్సవాలు ఘనంగా జరుగనున్నాయి.రాష్ట్రంలోని వివిధ జిల్లాల నుంచి మరియు ఇతర రాష్ట్రాల నుంచి సుమారు 200కు పైగా భారీ దున్నపోతులు ఈ వేడుకల్లో పాల్గొనడానికి నగరానికి తీసుకువచ్చారు.
#image_title
దున్నరాజు హంగామా..
వీటిలో కొన్ని దున్నరాజుల రాయాల్టీ చూసి ప్రేక్షకులు ఆశ్చర్యపోతున్నారు. ముఖ్యంగా కేరళ నుంచి వచ్చిన ‘కాళీ’ దున్నరాజు ఈ వేడుకల హైలైట్గా నిలుస్తోంది.‘కాళీ’ దున్నరాజు బరువు సుమారు 2100 కిలోలు, విలువ రూ. 25 కోట్ల పైగా ఉంటుంది. ఇది వారానికి ఒకసారి ప్రత్యేక లిక్కర్ను సేవించడం, రోజూ ప్రత్యేక ఖరీదైన ఆహారాన్ని తినడం వంటి ప్రత్యేకతలు కలిగి ఉంది. ప్రతిరోజూ 20 లీటర్ల పాలు, 10 కిలోల ఆపిల్స్, 8 డజన్ల అరటి పండ్లు, 1 కేజీ డ్రై ఫ్రూట్స్, 6 కిలోల గోధుమ పొట్టు వంటి ఆహారాలు అందించబడతాయి.
నిర్వాహకుడు మధు యాదవ్ మాట్లాడుతూ, కాళీతో పాటు హర్యానా, పంజాబ్, కేరళ వంటి రాష్ట్రాల నుంచి రోలెక్స్, బాదుషా, గోల్డ్, భజరంగి, కోహినూర్ వంటి ఇతర దున్నలను ప్రత్యేకంగా తెప్పించారు. ప్రతి దున్నకు రోజుకు రూ. 5,000–8,000 ఖర్చు, వారానికి రెండు సార్లు ఐదు లీటర్ల మంచి నూనెలతో ప్రత్యేక మసాజ్, అలాగే ప్రత్యేక కేర్ టేకర్ మరియు ఐదుగురు అసిస్టెంట్లు సౌకర్యాలు అందిస్తున్నారు.ఈ దున్నలు 1800–2200 కిలోల బరువు, ఆరు అడుగుల ఎత్తు, 12 అడుగుల వెడల్పుతో భారీ ఆకారంలో ఉంటాయి. 1800 కిలోమీటర్ల దూరం నుంచి ప్రత్యేక కంటైనర్లలో తీసుకువచ్చిన ఈ దున్నలను ఎలాంటి ఇబ్బందులు లేకుండా ఉత్సవాల్లో చూపించేందుకు ఏర్పాట్లు చేశారు.
Also read
