Air Cooler : వేసవి ప్రారంభం నుంచే ఎండలు తీవ్రంగా ఉండటంతో చాలా మంది ఇంట్లో చల్లదనాన్ని పొందేందుకు ఏసీలు (AC) లేదా ఎయిర్ కూలర్లు వినియోగిస్తుంటారు. అయితే AC ఖరీదైనదిగా ఉండటంతో ఎక్కువ మంది ఎయిర్ కూలర్లను ఎంపిక చేస్తున్నారు. వీటిని తక్కువ ఖర్చుతో సులభంగా నిర్వహించుకోవచ్చు. అయితే కూలర్‌ను సరైన రీతిలో ఉపయోగిస్తే మాత్రమే అధిక చల్లదనం పొందవచ్చు. ముఖ్యంగా ఎండ నేరుగా పడే ప్రదేశాల్లో కూలర్‌ను ఉంచడం వల్ల కూలింగ్ సామర్థ్యం తగ్గుతుంది. అందుకే దానిని వెంటిలేషన్ ఉన్న ప్రదేశంలో అమర్చడం, సూర్యకాంతి పడకుండా షేడ్ లేదా కర్టెన్లు ఉపయోగించడం మంచిది.

Air Cooler ఏసీ ని మించిన గాలి ఎయిర్ కూలర్‌తో.. ఎలాగో తెలుసా.?

తక్కువ తేమ (Humidity) ఉన్న ప్రాంతాల్లో ఎయిర్ కూలర్ మరింత సమర్థంగా పనిచేస్తుంది. తేమ ఎక్కువగా ఉండే ప్రాంతాల్లో ఉంటే, డీహ్యూమిడిఫైయర్ ఉపయోగించడం మంచిది. కూలర్‌ కూలింగ్ సామర్థ్యాన్ని పెంచేందుకు ఐస్ ప్యాక్స్ లేదా చల్లని నీటిని వాటర్ ఛాంబర్‌లో నింపడం ఉత్తమం. కూలర్‌ను వేగంగా మరియు సమర్థవంతంగా పనిచేయించాలంటే, ఫ్యాన్‌ను కూడా ఉపయోగించాలి. ఫ్యాన్ వల్ల గదిలో చల్లదనం సమర్థంగా వ్యాపిస్తుంది.

ఎయిర్ కూలర్ సరిగ్గా పనిచేయాలంటే క్రమం తప్పకుండా వాటర్ ట్యాంక్, ఫిల్టర్లను శుభ్రం చేయాలి. అలాగే కూలింగ్ ప్యాడ్స్‌ను పరిశీలించి అవసరమైతే కొత్తవిగా మార్చుకోవాలి. అధునాతన ఫీచర్లతో కూడిన ఎయిర్ కూలర్లను ఎంపిక చేసుకోవడం వల్ల మెరుగైన అనుభూతిని పొందవచ్చు. ముఖ్యంగా రిమోట్ కంట్రోల్, టైమర్, మల్టీ-స్పీడ్ సెట్టింగ్స్ కలిగిన మోడళ్లను ఎంచుకోవడం మంచిది. ఈ చిట్కాలను పాటించడం ద్వారా తక్కువ ఖర్చుతోనే AC తరహా చల్లదనం పొందడం సాధ్యమవుతుంది.