Daggubati Purandeswari : జూనియర్ ఎన్టీఆర్ పై దగ్గుబాటి పురందేశ్వరి ఆసక్తికర వ్యాఖ్యలు

Daggubati Purandeswari : భారతీయ జనతా పార్టీ ఆంధ్రప్రదేశ్ అధ్యక్షురాలు దగ్గుబాటి పురందేశ్వరి తన మేనఅల్లుడు జూనియర్ ఎన్టీఆర్ గురించి ఆసక్తికర వ్యాఖ్యలు చేశారు. ఇటీవల మీడియాతో మాట్లాడిన ఆమె తమ మధ్య మంచి బంధం ఉందని, ఎన్టీఆర్ తనను అత్తగా ఎంతో గౌరవిస్తాడని చెప్పుకొచ్చారు. ఇక తన కుమారుడు కూడా ఎన్టీఆర్‌కు చాలా క్లోజ్ అని, ఇద్దరూ తరచూ ఫోన్లో మాట్లాడుకుంటారని తెలిపింది. ఎన్టీఆర్ వ్యక్తిత్వం, వినయాన్ని ప్రశంసించిన పురందేశ్వరి, ఎప్పటికప్పుడు కుటుంబంతో కలిసిమెలిసి ఉండే వ్యక్తి అని చెప్పారు.

ఎన్టీఆర్ సినీ ప్రస్థానంపై తాను ఎప్పుడూ ఎటువంటి సలహాలు ఇచ్చేది లేదని పురందేశ్వరి స్పష్టం చేశారు. అయితే ఎన్టీఆర్ కొత్త సినిమాలు విడుదలైనప్పుడల్లా విజయం సాధించాలని ఆకాంక్షిస్తూ శుభాకాంక్షలు తెలుపుతుంటానని తెలిపారు. సినిమా చూసిన తర్వాత అద్భుతంగా నటించావు, సినిమాకు మంచి స్పందన వస్తోంది అంటూ అభినందనలు చెబుతానని పేర్కొన్నారు. ఎన్టీఆర్ ఏ తరహా పాత్ర పోషించినా ప్రభావవంతంగా నటిస్తాడని, నటనలో తనదైన ముద్ర వేయగల గొప్ప టాలెంట్ ఉన్న నటుడని ఆమె ప్రశంసించారు.

ఎన్టీఆర్ నటించిన చాలా సినిమాలను ఆసక్తిగా చూస్తానని దగ్గుబాటి పురందేశ్వరి వెల్లడించారు. ఎన్టీఆర్ విభిన్న పాత్రలను పోషిస్తూ తన ప్రతిభను నిరూపించుకుంటున్నారని అన్నారు. కుటుంబ నేపథ్యంలో ఉండే కథలు, ఎమోషనల్ డ్రామాలు ఎక్కువగా నచ్చుతాయని చెప్పారు. ఎన్టీఆర్ నటనలో విభిన్నత ఉంటుందని, ప్రేక్షకులకు బాగా కనెక్ట్ అవుతాడని అభిప్రాయపడ్డారు. తాను ఒక కుటుంబ సభ్యురాలిగా మాత్రమే కాకుండా, ఎన్టీఆర్ నటనను మెచ్చుకునే ప్రేక్షకురాలిగా కూడా అతడి సినిమాలను ఆస్వాదిస్తానని పురందేశ్వరి వెల్లడించారు.

Follow Us

ramu

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది