Phone password : ప్రస్తుతం డిజిటల్ యుగంలో అన్ని వ్యక్తిగత, ప్రొఫెషనల్ డేటా పాస్‌వర్డ్స్ ఆధారంగా రక్షించబడుతోంది. అయితే చాలా మంది ఇప్పటికీ సులభంగా ఊహించగలిగే పాస్‌వర్డ్స్ వాడుతున్నారు, ఇది సైబర్ నేరగాళ్లకు అవకాశం కల్పిస్తోంది. నార్డ్‌VPN చేసిన అధ్యయనంలో లక్షల మంది ప్రజలు ఇప్పటికీ “123456”, “password”, “1234” లాంటి వీక్ పాస్‌వర్డ్స్ వాడుతున్నారని వెల్లడైంది. వీటిని హ్యాకర్లు సులభంగా బ్రేక్ చేసి, వారి వ్యక్తిగత డేటా దొంగిలించగలుగుతున్నారు.

Phone password : బలహీనమైన పాస్‌వర్డ్స్ వల్ల ప్రమాదం :

హ్యాకర్లు బ్రూట్-ఫోర్స్ అటాక్స్, డిక్షనరీ అటాక్స్ లాంటి పద్ధతులను ఉపయోగించి కామన్ పాస్‌వర్డ్స్ అంచనా వేయగలరు. ఒకసారి అకౌంట్ హ్యాక్ అయితే, పర్సనల్ డేటా, బ్యాంక్ అకౌంట్స్, సోషల్ మీడియా హ్యాండ్‌ల్స్ అన్నీ ప్రమాదంలో పడతాయి. ముఖ్యంగా ఒకే పాస్‌వర్డ్‌ను అన్ని అకౌంట్లకు వాడితే, హ్యాకర్ల చేతిలో పూర్తిగా బందీ అవ్వాల్సి వస్తుంది. ఇది డబ్బు నష్టం, ఐడెంటిటీ దొంగతనం, ప్రైవేట్ డేటా లీక్ అయ్యే ప్రమాదాన్ని పెంచుతుంది.

Phone password : భద్రమైన పాస్‌వర్డ్ ఎలా ఉండాలి?

సైబర్ దాడులను నివారించేందుకు కనీసం 12 అక్షరాల పొడవున్న, అక్షరాలు, నంబర్లు, ప్రత్యేక చిహ్నాలు కలిగిన పాస్‌వర్డ్‌లను ఉపయోగించాలి. పుట్టిన తేదీ, పేర్లు, కామన్ పదాలు వాడొద్దు. ప్రతి అకౌంట్‌కు వేరే పాస్‌వర్డ్ ఉంచుకోవాలి. పాస్‌వర్డ్ మేనేజర్‌లను ఉపయోగించి సురక్షితమైన పాస్‌వర్డ్‌లను సృష్టించి, సేవ్ చేసుకోవచ్చు. అంతేకాకుండా, టూ-ఫ్యాక్టర్ అథెంటికేషన్‌ (2FA) ఆన్ చేయడం ద్వారా భద్రతను మరింత పెంచుకోవచ్చు. మీ డేటా భద్రంగా ఉండాలంటే, వెంటనే మీ పాస్‌వర్డ్స్‌ను సురక్షితంగా మార్చుకోండి.