YS Sharmila : షర్మిల చరిత్రాత్మక సవాల్ విసిరింది.. స్వీకరించే దమ్ము ఎవరికైనా ఉందా?

Authored By Breaking News 2 | The Telugu News | Published on: July 10, 2023, 12:00 pm

YS Sharmila : వైఎస్ షర్మిల.. ఈ పేరు ఇప్పుడు తెలంగాణ రాజకీయాల్లో మార్మోగిపోతోంది. దానికి కారణం.. వైఎస్ షర్మిల పెట్టిన పార్టీ. ప్రస్తుతం ఆమె రాజకీయాల్లో దూకుడు మీదున్నారు. దివంగత ముఖ్యమంత్రి వైఎస్సార్ వారసత్వాన్ని అందిపుచ్చుకొని వైఎస్ షర్మిల రాజకీయాల్లోకి వచ్చారు. తెలంగాణలో రాజన్న రాజ్యం తీసుకొస్తా అని మాటిచ్చారు. అందుకు తగ్గట్టుగా ప్రణాళికలు రచిస్తున్నారు వైఎస్ షర్మిల.అయితే.. వైఎస్ షర్మిల తన పార్టీలో త్వరలోనే కాంగ్రెస్ లో కలుపుతారంటూ వార్తలు వచ్చాయి. కానీ.. అవన్నీ ఉత్తవే అని తేలిపోయింది. తాను తెలంగాణ ప్రజల కోసమే పార్టీ పెట్టానని.. ఆ పార్టీని ఎట్టి పరిస్థితుల్లోనూ వేరే పార్టీలో విలీనం చేసే అవకాశం లేదని తెలిపారు. అయితే..

తాజాగా ఆమె ఖమ్మం జిల్లాలో పర్యటించారు. ఈ సందర్భంగా పాలేరులో ఏర్పాటు చేసిన సభలో ఆమె మాట్లాడుతూ పలు సంచలన వ్యాఖ్యలు చేశారు. వచ్చే ఎన్నికల్లో తెలంగాణలో పక్కాగా పోటీ చేస్తా అని ఆమె స్పష్టం చేశారు.వచ్చే ఎన్నికల్లో పాలేరు నుంచి తాను పోటీ చేస్తా అని వైఎస్ షర్మిల చెప్పుకొచ్చారు. ఇదే పాలేరు మట్టి సాక్షిగా పాలేరు ప్రజలకు వైఎస్సార్ సంక్షేమ పాలన అందిస్తానని మాటిచ్చాను. రైతులకు అండగా నిలబతా అని, ఇల్లు లేని వాళ్లకు ఇల్లు కట్టిస్తా అని, పేద బిడ్డల కు ఫీజు రీయింబర్స్ మెంట్, ఆరోగ్యశ్రీ లాంటి రాజశేఖర్ రెడ్డి అందించిన సంక్షేమ పాలన తీసుకొస్తా అని షర్మిల మాటిచ్చారు.

ys sharmila open challenge on paleru constituency

ys sharmila open challenge on paleru constituency

YS Sharmila : పాలేరు నుంచి పోటీ చేస్తా.. అసెంబ్లీలో అడుగు పెడతా

అందుకే పాలేరు నుంచే పోటీ చేసి అసెంబ్లీలో అడుగు పెడుతా అని సవాల్ విసిరారు. అయితే.. తనను పాలేరులో ఓడించేందుకు కొందరు కుట్రలు చేస్తున్నారని.. తనను దమ్ముంటే ఓడించాలని ఆమె సవాల్ చేశారు. మళ్లీ చెబుతున్నా.. నేను రాజశేఖర్ రెడ్డి బిడ్డను. పులి కడుపున పులే పుడుతుంది. మీ బిడ్డగా మీకు నమ్మకంగా సేవ చేస్తా. ఇప్పటి వరకు రాష్ట్రవ్యాప్తంగా 3800 కిలోమీటర్లు పాదయాత్ర చేశా. కొన్ని రోజుల్లోనే ఆ పాదయాత్రను పాలేరులో ప్రారంభించి.. మొత్తం 4000 కిలోమీటర్లు పూర్తి చేసి పాలేరులో ముగిస్తా.. అని షర్మిల ప్రకటించారు.

Breaking News 2

No bio available for this author.

Tags :
  1. "Cheyutha Pensions : రేవంత్ సర్కార్ భారీ గుడ్‌న్యూస్‌.. 4,63,857 మందికి కొత్త పింఛన్లు.. నవంబర్ 19న నగదు జమ..!"

  2. "Karthika Deepam 2 Today Episode November 16 2026 : పారిజాతం కిడ్నాప్.. జ్యోత్స్నను విడదీయడానికి మాలిని మాస్టర్ ప్లాన్.. సూరజ్‌కు బిగ్ షాక్!"

  3. "Gold Rate Today : బంగారం కొనాలనుకునేవారికి శుభవార్త.. వరుసగా దిగొస్తున్న ధరలు.. 2026 నవంబర్ 16న తాజా రేట్లు ఇవే!"

  4. "Cyclone Akvan 2026 : ఏపీ వైపు దూసుకొస్తున్న మరో తుఫాన్.. నవంబర్ 19, 20 తేదీల్లో అతి భారీ వర్షాలు..!"

  5. "Electricity Units : ఒక యూనిట్ కరెంట్ అంటే ఎంత? మీ ఇంట్లో ఏ పరికరం ఎన్ని యూనిట్ల కరెంట్ వాడుతుంది? ఈ లెక్క తెలిస్తే బిల్లు తగ్గించుకోవచ్చు!"

  6. "Koti Somavaram 2026 : నేడు కార్తీక మాసం కోటి సోమవారం.. శివుడికి ఇలా పూజ చేస్తే కోటి రెట్ల పుణ్యఫలం..!"

  7. "Today Horoscope : 16 నవంబర్ 2026 సోమవారం ఈ రోజు మీ రాశి ఫలాలు..!"

Google The Telugu News మీకు నచ్చిన సైటుగా ఎంచుకోండి
WhatsApp