సర్టిఫికెట్ కోసం వెళ్లిన విద్యార్థి.. తిరిగి రాని లోకాలకు..
చదివిన చదువుకు గుర్తింపుగా బోర్డు నుంచి వచ్చే సర్టిఫికెట్ అనేది చాలా ముఖ్యం. ఆ సర్టిఫికెట్ చూపించడం ద్వారానే ఎవరైనా తాము చదివిన చదువుకు గుర్తింపు పొందుతారు. అయితే, కొవిడ్ కట్టడికి విధించిన లాక్ డౌన్, ఆ తర్వాత కొంత కాలం పాటు విద్యాసంస్థలు అన్నీ క్లోజ్ అయి ఉన్నాయి. ఇటీవలే కొన్ని విద్యాసంస్థలు ఓపెన్ అయ్యాయి. ఈ క్రమంలోనే విద్యాసంస్థలకు విద్యార్థులు వస్తున్నారు. కాగా, అలా విద్యాసంస్థ నుంచి తాను చదివినట్లు ధ్రువపత్రం తెచ్చుకునేందుకు వెళ్లి విగతజీవిగా మారాడు ఓ స్టూడెంట్. వివరాల్లోకెళితే.. అనంతరపురం జిల్లా కదిరిలో ఈ విషాద ఘటన జరిగింది.
కదిరికి చెందిన స్టూడెంట్ బాబ్జాన్ తాను చదివిని బీ ఫార్మసీ కాలేజ్ నుంచి బీ ఫార్మసీ సర్టిఫికెట్ కోసం కారులో బయల్దేరాడు. మార్గం మధ్య కదిరి-పులివెందుల మధ్య ఒదులపల్లి వంకలో కారు భారీ వర్షానికి వచ్చిన వరదలో కొట్టుకుపోయింది. ఈ ప్రమాదంలో విద్యార్థి బాబ్జాన్, డ్రైవర్‌ రఫీ గల్లంతయ్యారు. ఈ క్రమంలోనే బాబ్జాన్ మృతదేహం లభ్యం కాగా, రఫీ మృతదేహం కోసం గాలింపు చర్యలు చేపట్టారు. ఇక వరద నేపథ్యంలో కదిరి-పులివెందుల మధ్య రాకపోకలు ఆగిపోయాయి. తమ తనయుడు సర్టిఫికెట్ తీసుకుని ఆనందంగా వస్తాడని ఊహించుకుంటున్న తల్లిదండ్రులకు ఈ విషయం తెలుసుకుని శోకసంద్రంలోకి వెళ్లిపోయారు. ఉన్నత చదువులు చదివి కుటుంబానికి ఆసరా అయ్యే సమయంలో కుమారుడు మరణించడం ద్వారా ఆ కుటుంబంలో విషాద ఛాయలు అలుముకున్నాయి. కుటుంబ సభ్యుల రోదనలు మిన్నంటాయి.
Also read
