Free Gas Cylinder : ఏపీ ఉచిత గ్యాస్ సిలిండర్ పథకంలో మార్పులు..!
Authored By Ramu Tandu Ramalingaiah
| The Telugu News |
Published on: May 20, 2025, 7:00 pm
Free Gas Cylinder : ఏపీ ఉచిత గ్యాస్ సిలిండర్ పథకంలో మార్పులు
Free Gas Cylinder : ఆంధ్రప్రదేశ్ ప్రభుత్వం ఉచిత గ్యాస్ సిలిండర్ పథకంపై కీలక నిర్ణయం తీసుకుంది. గతంలో ముఖ్యమంత్రి చంద్రబాబు నాయుడు “సూపర్ సిక్స్” పథకాల్లో భాగంగా ఏడాదికి మూడు గ్యాస్ సిలిండర్లు ఉచితంగా అందించనున్నట్లు హామీ ఇచ్చిన సంగతి తెలిసిందే. దీని ప్రకారం గత దీపావళి నుంచే ఈ పథకాన్ని అమలు చేయడం ప్రారంభించారు. అయితే గ్యాస్ సిలిండర్ తీసుకున్న తర్వాతే రాయితీ నగదు లభించడంతో లబ్ధిదారులలో కొంత గందరగోళం నెలకొంది. ఫలితంగా పథకం అమలుపై సందేహాలు వెల్లివిరిచాయి.
Free Gas Cylinder : ఏపీ ఉచిత గ్యాస్ సిలిండర్ పథకంలో మార్పులు..!
Free Gas Cylinder ఉచిత గ్యాస్ సిలిండర్ పథకం విషయంలో ఏపీ సర్కార్ కీలక నిర్ణయం
ఈ పరిస్థితిని దృష్టిలో ఉంచుకుని, ప్రభుత్వం పథకం అమలులో మార్పులు తీసుకురావాలని నిర్ణయించింది. ముఖ్యంగా పేదలు మరియు మధ్యతరగతి వర్గాలపై ఆర్థిక భారం తగ్గించేందుకు ఈ పథకం ప్రయోజనకరంగా ఉండనుంది. ఇప్పటికే మూడు వేల రూపాయల వరకు వార్షికంగా ఆదా అవుతుందని లబ్ధిదారులు ఆశావహంగా ఉన్నారు. కానీ గతంలో నగదు రాయితీ లేట్ అవుతూ ఉండటంతో లబ్ధిదారుల నుండి పెద్ద సంఖ్యలో ఫిర్యాదులు వచ్చినట్లు సమాచారం.
ఇలాంటి పరిస్థితుల నివారణ కోసం సీఎం చంద్రబాబు కీలకంగా పునఃసమీక్ష చేపట్టి, ఇకపై ఏడాదికి ఇచ్చే మూడు గ్యాస్ సిలిండర్లకు సంబంధించిన రాయితీ మొత్తాన్ని ఒకేసారి లబ్ధిదారుల ఖాతాల్లో జమ చేయాలని అధికారులను ఆదేశించినట్లు సమాచారం. ఈ నిర్ణయం అమలవుతే పథకానికి స్థిరత లభించడమే కాకుండా, లబ్ధిదారులకు నేరుగా ఉపయోగకరంగా ఉంటుంది. ఇది ప్రభుత్వం తీసుకున్న సామాజిక సంక్షేమ కార్యక్రమాలలో మరొక మంచి అడుగుగా చెప్పుకోవచ్చు.
Also read
