హీరోగా సోహెల్ ఎంట్రీ.. ఆ నిర్మాతతో ప్రాజెక్ట్ కన్ఫామ్ | The Telugu News | Breaking News Telugu | తెలుగు వార్త‌లు

హీరోగా సోహెల్ ఎంట్రీ.. ఆ నిర్మాతతో ప్రాజెక్ట్ కన్ఫామ్

 Authored By uday | The Telugu News | Updated on :24 December 2020,11:37 am

సోహెల్‌కు బుల్లితెర గుర్తింపు ఇచ్చింది. కృష్ణవేణి సీరియల్‌తో సోహెల్ బాగానే గుర్తింపు తెచ్చుకున్నాడు. ఆ తరువాత ఇస్మార్ట్ సోహెల్‌గా మారాడు. అయితే వెండితెరపై హీరోగా ఎదగాలని ఎంతో ప్రయత్నించిన సోహెల్ కల నెరవేరబోతోంది. ఎన్నో సినిమాల్లో సైడ్ క్యారెక్టర్‌గా చేసినా కూడా గుర్తింపు రాలేదు. అలాంటి సోహెల్‌కు ఇప్పుడు బిగ్ బాస్ ఓ ఐడెంటిటీని తీసుకొచ్చింది. బిగ్ బాస్ షో ద్వారా ఇప్పుడు సోహెల్ భారీ ఇమేజ్‌ను తెచ్చుకున్నాడు.

Sohel Debut as Hero In George reddy fame Appi reddy Producer

Sohel Debut as Hero In George reddy fame Appi reddy Producer

ఆ ఇమేజ్‌ను పెట్టుబడిగా పెట్టి హీరోగా ఎంట్రీ ఇచ్చేందుకు రంగం సిద్దం చేసుకున్నాడు. రెండు మూడు రోజుల క్రితం ఇంటర్వ్యూలో మాట్లాడుతూ.. భవిష్యత్ ప్రాజెక్ట్‌ల గురించి మాట్లాడాడు. అప్పట్లో ఓ స్క్రిప్ట్ విన్నాను.. మళ్లీ ఇప్పుడు దాన్ని ఓకే చేశాను.. త్వరలోనే ఓ ప్రకటన చేస్తాను అని సోహెల్ చెప్పుకొచ్చాడు. అయితే ఆ ప్రాజెక్ట్‌కు సంబంధించిన అప్డేట్ బయటకు వచ్చేసింది. కొత్త దర్శకుడితో సోహెల్ సినిమా ఉండబోతోంది.

జార్జి రెడ్డి, ప్రెజర్ కుక్కర్ చిత్రాలను నిర్మించిన అప్పి రెడ్డి.. సోహెల్‌ను హీరోగా పరిచయం చేయబోతోన్నాడు. ఈ మేరకు సోహెల్ తాజాగా ఓ హింట్ ఇచ్చాడు. కొత్త చాప్టర్ ప్రారంభించబోతోన్నాను.. కాసేపట్లో వివరాలు ప్రకటిస్తాను అని చెప్పాడు. అప్పి రెడ్డి నిర్మాతగా..శ్రీనివాస్ వింజనంపాటి దర్శకుడిగా ఓ చిత్రాన్ని ప్రారంభించాడు. ఫిబ్రవరి నుంచి రెగ్యూలర్ షూటింగ్ ప్రారంభం కాబోతోన్నట్టు తెలిపారు. మొత్తానికి సోహెల్ తన కలను సాకారాం చేసుకున్నాడు.

Advertisement
WhatsApp Group Join Now

uday

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది