Heart Attack : గుండె పోటుతో బాధపడేవారికి గుడ్ న్యూస్.. సక్సెస్ అయిన పరిశోధనలు
Authored By mallesh
| The Telugu News | Updated on :
24 June 2022,
8:30 pm 
Heart Attack : మారుతున్న జీవనశైలీ కారణంగా గుండె సంబంధిత వ్యాధులు అధికమవుతున్నాయి. వయసుతో సంబంధం లేకుండా అందరినీ కలవరపెడుతోంది. ప్రస్తుతం హార్ట్ డిసీస్ లకు గురయ్యే వారి సంఖ్య ప్రపంచ వ్యాప్తంగా పెరుగుతోంది. వరల్డ్ హెల్త్ ఆర్గనైజేషన్ ప్రకారం ప్రపంచ వ్యాప్తంగా 17 మిలియన్లకు పైగా గుండె సంబంధిత వ్యాధులచే భాదపడుతున్నారు. దీనికి ప్రధాన కారణం మారుతున్న జీవన శైలి, ఆహారపు అలవాట్లు, శారీరక శ్రమ లోపించడం, వ్యాయామం లేకపోవడం. కొన్నిసార్లు మితిమీరిన కసరత్తులు కూడా ఓ కారణంగా చెప్పవచ్చు. హార్ట్ ఎటాక్ రాకుండా ఉండాలంటే ప్రధానంగా మన అలవాట్లను మార్చుకోవాలి. పొగతాగడం మానుకోవాలి. ఆరోగ్యకరమైన ఆహారాన్ని తీసుకోవాలి. అంతేకాకుండా క్రమం తప్పకుండా వ్యాయామం చేయాలి. డయాబెటిస్ మేనేజ్ చేసుకోవాలి.
కొలెస్ట్రాల్, అధిక రక్తపోటును నియంత్రించుకోవాలి. ఆల్కహాల్ తీసుకోకపోవడమే ఉత్తమం.శరీర బరువును కూడా అదుపులో ఉంచుకోవాలి. వీలైనంత వరకు ఒత్తిడికి లోనుకాకుండా ఉండాలి. అయితే ఇవన్నీ సాధ్యపడక కొందరు హార్ట్ అటాక్ కి గురవుతున్నారు.అయితే మాంచెస్టర్ యూనివర్సిటీ పరిశోధకులు ప్రస్తుతం గుడ్ న్యూస్ చెప్పారు. బ్రిటీష్ హార్ట్ ఫౌండేషన్ సహకారంతో పరిశోధకులు కొత్త బయోడిగ్రేడబుల్ జెల్ను అభివృద్ధి చేశారు. ఇది నేరుగా సజీవ హృదయంలోకి కణాల పంపిణీని మెరుగుపరచడంలో సహాయపడుతుంది. దీంతో గుండెపోటు వల్ల కలిగే నష్టాన్ని అడ్డుకుంటుంది. మాంచెస్టర్లో జరిగిన బ్రిటిష్ కార్డియోవాస్కులర్ సొసైటీ సమావేశంలో ఈ పరిశోధన ప్రయోగాత్మకంగా వెల్లడించారు. దెబ్బతిన్న గుండెలోకి కొత్త కణాలను ప్రవేశపెట్టడానికి, దానిని సరిచేయడానికి మరియు గుండె వైఫల్యానికి దారితీసే ప్రమాదాన్ని తగ్గించడానికి పరిశోధకలు కొన్ని సంవత్సరాలుగా ప్రయోగాలు చేస్తున్నారు.
Gel that repairs Heart Attack damage
Heart Attack : జెల్ ని డెవలప్ చేసిన సైంటిస్టులు
అయితే ఇప్పుడు బ్రిటన్ లోని మాంచెస్టర్ విశ్వవిద్యాలయానికి చెందిన పరిశోధకులు కొత్త బయోడిగ్రేడబుల్ జెల్ను అభివృద్ధి చేశారు, ఇది కణాలకు కొత్త కణజాలం పెరగడానికి గుండెలోకి సురక్షితంగా ఇంజెక్ట్ చేయబడుతుంది. దెబ్బతిన్న హృదయాల కోసం భవిష్యత్తులో పునరుత్పత్తి చికిత్సలలో వారి జెల్ కీలక భాగంగా మారుతుందని పరిశోధకులు భావిస్తున్నారు. ప్రస్తుతం ఈ వార్తా వైద్యరంగంలో సంచలనం సృష్టిస్తోంది. ఇది ఇంకా ప్రారంభ రోజులే అయినప్పటికీ, గుండెపోటు తర్వాత విఫలమవుతున్న హృదయాలను రిపేర్ చేయడంలో ఈ కొత్త టెక్నాలజీకి ఉన్న సామర్థ్యం చాలా పెద్దదని, దెబ్బతిన్న గుండెను పునరుత్పత్తి చేయడంలో సహాయపడటానికి భవిష్యత్తులో సెల్ ఆధారిత చికిత్సలకు ఈ జెల్ సమర్థవంతమైన ఎంపికగా ఉంటుందని పరిశోధకులు చెబుతున్నారు.
ఈ సాంకేతికత ఆరోగ్యంగా ఉన్నగుండెపై పని చేస్తుందని నిరూపించడానికి పరిశోధక బృందం ఆరోగ్యకరమైన ఎలుకల గుండెల్లోకి ఫ్లోరోసెంట్ ట్యాగ్తో జెల్ను ఇంజెక్ట్ చేసింది. ఫ్లోరోసెంట్ ట్యాగ్ గుండెలో రెండు వారాల పాటు జెల్ ఉందని వెల్లడించింది. ఎకోకార్డియోగ్రామ్లు, ఎలక్ట్రో కార్డియోగ్రామ్లు గుండెకు ఇంజెక్షన్ సురక్షితమైనదని నిర్ధారించింది. జెల్ ప్రోటీన్ల బిల్డింగ్ బ్లాక్స్ అయిన పెప్టైడ్స్ అని పిలువబడే అమైనో ఆమ్లాల గొలుసులతో తయారు చేయబడింది. ఇది ఒత్తిడిలో ఉన్నప్పుడు పెప్టైడ్లు విడదీయబడతాయి మరియు ద్రవంలా ప్రవర్తిస్తాయి, ఇది ఇంజెక్షన్కి అనువైనదిగా చేస్తుంది. ఒత్తిడిని తొలగించినప్పుడు, పెప్టైడ్లు దాదాపు వెంటనే తిరిగి సమీకరించబడతాయిన తెలియజేశారు. ఇక ఈ ప్రయోగం అందుబాటులోకి వస్తే ఎంతో మంది హార్ట్ అటాక్ నుంచి విముక్తి పొందనున్నారు.
Also read
